नवगण महाविद्यालयात लोकनेत्या स्व. केशरकाकू क्षीरसागर यांची पुण्यतिथी साजरी

परळी वैजनाथ :  येथील नवगण शिक्षण संस्थेच्या कला वाणिज्य महाविद्यालयामध्ये आज बीडच्या माजी खासदार लोकनेत्या स्वर्गीय केशरकाकू क्षीरसागर यांच्या पुण्यतिथीनिमित्त अभिवादन सभा घेण्यात आली. या वेळी महाविद्यालयाचे प्राचार्य कॅप्टन डॉ एम.जी. राजपांगे यांनी काकूंच्या प्रतिमेस पुष्पहार अर्पण केला. यावेळी बोलताना डॉ रवींद्र मचाले यांनी केशरकाकू क्षीरसागर यांच्या राजकीय सामाजिक कार्याची माहिती सांगितली. मराठवाड्याच्या विकासात महिला खासदाराचे मोठे योगदान असल्याचे त्यांनी प्रतिपादन केले. कार्यक्रमाचे सूत्रसंचालन व आभार रासेयो कार्यक्रम अधिकारी डॉ राजाभाऊ धायगुडे यांनी व्यक्त केले. पुण्यतिथी कार्यक्रमास महाविद्यालयातील सर्व विद्यार्थी व शिक्षक शिक्षकेतर कर्मचारी उपस्थित होते .